Ливаннинг Шуф ҳудудида Исроил томонидан ўққа тутилиши оқибатида 15 киши ҳалок бўлди

Исроилнинг Ливаннинг Шуф туманидаги бинони ўққа тутиши оқибатида 15 киши ҳалок бўлди, 12 киши яраланди.

Ливан Соғлиқни сақлаш вазирлиги маълумотларига кўра, ўққа тутилган нишон Ливан тоғи вилоятининг Шуф туманидаги Джун қишлоғи бўлган.

Бошқарманинг аниқлик киритишича, ҳалок бўлганлар рўйхатида 8 нафар аёл ва 4 нафар бола бор. Ҳужум 12 ноябрь, сешанба куни кечқурун содир этилган. Ўққа тутилган ҳудудда қидирув-қутқарув ишлари давом этмоқда.

Исроил-Ливан чегарасидаги кескинлик 2023 йилнинг 8 октябрида, Ғазо секторидаги Исроил геноцидининг эртасига кучайди.

2024 йил сентябрь ойининг охиригача Ҳизбуллоҳ ва Исроил армияси ўртасидаги ҳужумлар даврий бўлиб турди.