Ливан жанубида икки исроиллик ҳарбий ҳалок бўлди

Ливан жанубида исроиллик икки ҳарбий хизматчи ҳалок бўлди, деб ёзмоқда "The Times of Israel" нашри ЦАХАЛга таяниб.

"Ўтган дам олиш кунлари Ливан жанубида содир бўлган алоҳида ҳодисалар оқибатида Исроил мудофаа армиясининг икки аскари ҳалок бўлди", — дейилади материалда.

Аниқлик киритилишича, капитан Шахар Гамла учувчисиз учиш аппарати (Дрон) ҳужумидан кейин вафот этган. Сержант Охад Яари эса "тахминларга кўра, тасодифий ўқ узилиши оқибатида ҳалок бўлган".