Левандовски Месси ва Роналдунинг тарихий натижасини такрорлади

Роберт Левандовски Европанинг топ-5 лигаларидаги 500-учрашувини ўтказди.

"Барселона" ҳужумчиси Ла Лига 17-туридан ўрин олган "Вильярреал"га (2:0) қарши ўйиннинг иккинчи бўлимида майдонга тушди.

Дортмунднинг "Боруссия" ва "Бавария" клубларида тўп тепган польшалик форвард ҳисобида Европанинг бешта етакчи чемпионатида (Испания, Англия, Германия, Италия, Франция) 389 та гол бор.

Бу Лионель Месси (496 та гол) ва Криштиану Роналдунинг (495 та гол) кўрсаткичларидан кейин 500 ўйиндан иборат тарихдаги учинчи натижадир.