Мюнхеннинг "Бавария" клуби ҳозирда ўз ҳужумчиси Роберт Левандовскини 60 миллион евродан камига сотмасликка қарор қилган. Бироқ, "Барселона" польшалик ҳужумчи учун бундай маблағни сарфлай олмайди.
Левандовски бу ёзда "Бавария"ни Каталония клубига алмаштириш истаги борлигини яширмади, у ҳатто мюнхенликларнинг 12 июльдан бошланадиган мавсумолди йиғинларида ҳам иштирок этмаслигини билдирди.
90min нашрининг ёзишича, "Барселона"нинг Левандовски бўйича сўнгги таклифи "Бавария" талаб қилаётган нархдан 20 миллион еврога пастроқ бўлган 40 миллион еврони таклиф қилмоқда.
Левандовски музокараларда муваффақиятга эриша олмаганидан тобора кўпроқ хавотирда, бироқ "Бавария"га яқин манбалар 50 миллион евролик келишувга эришиш мумкинлигига ишонишмоқда.
Агар, "Барселона" ушбу трансферни амалга ошира олмайдиган бўлса, вазиятни "Челси" ўз қўлига олиши мумкин, чунки, лондонликларлар Левандовски, "Барселона" ва "Бавария" клублари ўртасидаги музокараларни жиддий кузатиб бормоқчи.
U23 Осиё кубоги. Ўзбекистон термасининг финалдаги рақиби маълум
"Реал Мадрид"нинг Мюнхэнга борадиган футболчилар рўйхати маълум (фото)
ЕЧЛ. Ярим финал. "Бавария" "Реал" билан жанговар дуранг қайд этди
