Labubu ўйинчоғи эгаси дунёнинг 100 та энг бой одамлари рўйхатига кирди

Лабубу қўғирчоқларини ишлаб чиқарувчи Pop Mart ўйинчоқлар компанияси асосчиси ва бош директори Ван Нинг Bloomberg Billionaires Index маълумотларига кўра, дунёнинг энг бой 100 кишиси қаторига кирди.

Бу ҳақда РБК хабар бермоқда.

У 26,5 миллиард доллар бойлиги билан рейтингда 85-ўринни эгаллади. 2025 йил бошидан буён унинг капитали 18,8 миллиард долларга ошди.

Лабубу - кўплаб мамлакатларда болалар ва катталар орасида машҳурликка эришган ёрқин жунли кичкина йиртқич ҳайвонлар шакли. Уларни Хитойнинг Pop Mart компанияси ишлаб чиқаради. Лабубга бўлган алоҳида қизиқиш сотув формати билан боғлиқ: харидорлар қути очилмагунча унинг ичида айнан қайси ўйинчоқ бўлишини билишмайди.