Курск вилоятида ўз уйини ташлаб чиққанларга 10 минг рубль (115 доллар) миқдорида пул тўланади

Россия президенти Владимир Путин топшириғига кўра, Курск областида ўз уйини ташлаб чиққанларга 10 минг рубль (115 доллар) миқдорида пул тўланади.

6 августга ўтар кечаси украин бўлинмалари Россиянинг Курск областига кириб келган ва чегара яқинидаги позицияларда мустаҳкам жойлашиб олган. Ҳудуддаги аҳоли яшаш манзиллари тўхтовсиз ўққа тутилмоқда, минглаб кишилар эвакуация қилинган.

Аввалроқ, Украина қўшинлари чегарадош бўлган Россиянинг Курск вилоятидаги Суджа шаҳарчасини эгаллаб олгани ва Курск вилоятида фавқулодда ҳолат эълон қилингани ҳақида хабар берган эдик.