Курск вилоятида асирга олинган Шимолий Корея ҳарбийлари Жанубий Кореяга қарши уруш олиб бораётганларини ўйлашган - The Wall Street Journal

Бундан ташқари, уларга ҳар қандай йўл билан, ҳатто ўзларини ўлдиришгача бўлган усуллар билан, асирга тушишдан қочиш буюрилган экан.

"Мен чет элликлар бутунлай бошқача деб ўйлардим... Лекин украиналикларни кўргач, биз ўхшаш эканлигимизни англадим. Улар яхши одамлар экан," - деб эътироф этди асирлардан бири.

Украина Қуролли Кучлари жангчилари томонидан тирик қўлга олинган ягона шимолий кореяликлар 21 ёшли Пек ва 26 ёшли Ридир. Ҳозирда Пек ва Ри Киев қамоқхонасида даволанмоқда ва кўрсатмалар бермоқда. Жанубий Корея уларни қабул қилишни таклиф қилди. Иккаласи ҳам КХДРга қайтиш ўзлари учун ўлим ҳукми билан баробар эканлигини тушунишади.