15 июлдан бошлаб Тошкент метрополитенининг ер усти йўналишларида ҳаракатланаётган поездлар тезлигига вақтинчалик чеклов жорий этилади. Бу ҳақда Транспорт вазирлиги маълум қилди.
Қайд этилишича, мамлакатда кузатилаётган аномал иссиқ об-ҳаво сабабли ер усти темир йўл релслари ҳарорати белгиланган меъёр — 55 даражадан юқори даражада қизиб кетмоқда. Шу боис поездлар ҳаракати хавфсизлигини таъминлаш мақсадида ҳар куни соат 18:00 гача поездлар тезлиги 60 км/соатдан 40 км/соатгача пасайтирилади.
Бу метро поездлари ҳаракат интервалига ҳам қисман таъсир қилиши мумкин. Натижада ер усти йўналишларида поездларнинг келиш вақти 14 дақиқагача узайиши кутилмоқда.
Чеклов фақат ер усти йўналишларида ҳаракатланувчи поездларга татбиқ этилади, ер ости метро йўналишлари эса одатдаги тартибда ишлашда давом этади.
“Ислом НАТО”сига қўшилишни хоҳловчилар кўпаймоқда
Расман: ўқишга кира олмаганлар энди давлат университетларига бемалол ўқишга кириш имкониятига эга!
ЖЧ-2042га қайси давлат мезбонлик қилади?
