Куба Трампнинг босимига қаршилик кўрсатмоқда

Куба ҳукумати Вашингтон маъмуриятининг босимига қарши чиқмоқда ва бу АҚШ президенти Дональд Трампнинг ғазабини қўзғатмоқда.

Бу ҳақда NBC News телеканали АҚШ расмийларига таяниб хабар бермоқда.

"Расмай Гавана ҳокимиятдан воз кечишга ёки жиддий ён беришга тайёр эканлигининг ҳеч қандай аломатларини кўрсатмаяпти", деб таъкидлашади улар.

Бу АҚШ Кубага қаттиқ санкциялар қўллаганига, муҳим ресурслар таъминотини чеклаганига ва президент Мигель Диас-Канел ҳукумати билан дипломатик алоқаларни давом эттирганига қарамай.

Таъкидланишича, АҚШ расмийлари Куба ҳукумати йил охирига қадар босимсиз ҳам қулаши мумкинлигига ишонишади. Бироқ, Трамп бу муддатни қониқарсиз деб ҳисоблайди ва бу масала учун масъул бўлган Давлат котиби Марко Рубио каби ўз маъмурияти амалдорларидан бир неча бор норозилик билдирган.