Кремль Украинага ҳужум қилиш режаларидан воз кечди ва шартнома асосида ҳарбий хизматни ўтайдиган аскарларни ёллашга эътибор қаратади. Бу ҳақда Bloomberg хабар берди.
Агентлик маълумотларига кўра, Россия ҳукумати Украина қарши ҳужумини тўхтатишни режалаштирмоқда ва бунинг учун улар кўп сонли шартнома асосидаги ҳарбий хизматчиларни жалб қилмоқда.
Расмийларнинг режалари билан таниш бўлган Bloomberg манбаларига кўра, Кремлнинг бундай қарорига сафарбарликнинг иккинчи тўлқини ҳақида салбий тасаввур пайдо бўлишидан қўрқиш сабаб бўлган. Аввалроқ ОАВ расмийларнинг шартнома бўйича хизмат қилиш учун 400 минг россияликни жалб этиш режалари ҳақида хабар берган эди. Бироқ, кўплаб экспертларнинг бунчалик кўп ҳарбийларни йиғиб бўлмаслигига ишончлари комил.
Агентликнинг қўшимча қилишича, айни пайтда, Украина яқин ойларда катта қарши ҳужумни режалаштирмоқда. Унда Европа ва АҚШда тайёргарликдан ўтган ҳарбийлар, шунингдек, Ғарб мамлакатлари етказиб берган жанговар машиналар иштирок этади.
