Россия-Украина урушида ўт очишни тўхтатиш учун АҚШ ва Ғарб Украинага қурол етказиб беришни тўхтатиши керак, деб айтди Россия президентининг матбуот котиби Дмитрий Песков ABC News билан суҳбатда.
"Агар биз ўт очишни тўхтатиш ҳақида гапираётган бўлсак, у ҳолда Украинага АҚШ ва Европа мамлакатларидан ҳар куни келиб турган қурол-яроғлар билан нима қилишимиз керак?" - деди Песков.
Унинг таъкидлашича, агар бу таъминот тўхтатилмаса, Киев тинчлик давридан янги ҳарбийларни тайёрлаш ва ҳозир жанг қилаётганларнинг дам олиши учун фойдаланиши мумкин.
"Шундай экан, нима учун биз Украинага бундай устунлик беришимиз керак?" - деб сўради Песков.
У журналистнинг Россия президенти Владимир Путин ҳарбий ҳаракатларни тўхтатишни хоҳламаётгани ҳақидаги фикрларини инкор этди. "Путин муаммони ҳал қилиш, тинч ва дипломатик йўл билан ечимга эришиш учун барча имкониятлардан фойдаланмоқда. Аммо ҳозирча бундай воситалар йўқ, шунинг учун биз ҳарбий операцияни давом эттиришга мажбурмиз," деди матбуот котиби.
Гўзаллик маликаси 9 ойга қамалди
"Сизлар бизга террорчи, биз эса сизларга сув берамиз"
Эстония ва Россия ўртасида жанг чиқишига сал қолди
