Кремль: Россия, Хитой ва Шимолий Корея етакчилари АҚШга қарши "уйғониш" ниятида эмас эди

Россия президенти Владимир Путин, шунингдек, Хитой ва Шимолий Корея етакчилари Си Цзиньпин ва Ким Чен Ин ҳеч қачон АҚШга қарши “фитна” қилишни ўйламаган. Бу ҳақда Россия президенти ёрдамчиси Юрий Ушаков Оқ уй раҳбари Доналд Трампнинг айбловларига изоҳ берар экан, маълум қилди.

“Мен аймоқчиманки, ҳеч ким ҳеч қандай фитна тузмаган, ҳеч ким ҳеч нарса тўқимаган, ҳеч қандай фитна ҳам йўқ. Қолаверса, бу ҳеч кимнинг хаёлига ҳам келмаган, бу уч раҳбарнинг бирортаси ҳам”, — деди Ушаков.

Ушаковга кўра, АҚШнинг ўзи ва шахсан президент Трамп бугунги халқаро вазиятда қандай ўрин тутганини барча яхши англайди.

Аввалроқ Доналд Трамп Хитой, Россия ва Шимолий Корея етакчиларини Вашингтонга қарши фитна уйуштиришда айблаган эди. Унинг баёноти Пекинда Иккинчи жаҳон уруши тугаганининг 80 йиллигига бағишланган йирик ҳарбий парад пайтида янгради.

Трамп ижтимоий тармоқ орқали чиқишида Си Цзиньпиндан АҚШнинг Хитой эркинлиги учун қилган “катта қўллаб-қувватлаши ва қурбонларини” ёдга олишини сўради. У кўплаб америкаликлар Хитой ғалабаси учун жон фидо қилганини таъкидлаб, уларнинг жасорати ва фидойилиги муносиб ҳурматга сазовор бўлишига умид билдирди.

“Президент Си ва Хитойнинг буюк халқи ажойиб ва унутилмас байрам ўтказмоқда. АҚШга қарши фитна уйуштирар экансиз, илтимос, (Россия президенти) Владимир Путин ва (Шимолий Корея етакчиси) Ким Чен Инга энг яхши тилакларимни етказинг”, — деди Трамп.

Пекиндаги ҳарбий парад сўнгги йиллардаги энг йирик парад бўлиб, унда Хитой дронлар, кибер ва электрон уруш ҳамда гиперовозли қуроллар соҳасидаги сўнгги ишланмаларини намойиш этди.

Тантаналарда Россия, Эрон, Покистон, Моғулстон, Шимолий Корея, Мьянма, Словакия, Сербия, Ўзбекистон ва Беларусь каби бир қатор давлатлар раҳбарлари ҳам иштирок этди.