Кремль Россия, АҚШ ва Украина ўртасидаги музокаралар давом этишини тасдиқлади

Москва Россия, АҚШ ва Украина экспертлар гуруҳининг Абу-Дабидаги иши шу ҳафта давом этишини кутмоқда.

Россия президентининг матбуот котиби Дмитрий Песков бу ҳақда маълум қилди.

"Биз экспертлар даражасидаги ишлар давом этишини кутамиз", деди у. "Ва бу шу ҳафта, бир ҳафта ичида содир бўлади", деб таъкидлади у.

Аввалроқ Украина президенти Владимир Зеленский ҳам уч томонлама музокаралар шу ҳафта давом этишини тасдиқлаган эди.

Шуни таъкидлаш керакки, Россия, АҚШ ва Украинанинг хавфсизлик масалалари бўйича уч томонлама ишчи гуруҳининг биринчи йиғилиши 23-24 январь кунлари Абу-Дабида бўлиб ўтди.