Президент матбуот котиби Дмитрий Песков Россия АҚШ билан ядровий қуролсизланиш бўйича музокараларни қайта бошлашга тайёрлигини маълум қилди. У бундай келишувнинг глобал аҳамиятига ишора қилди.
“Бутун дунё манфаатлари ва мамлакатларимиз халқлари манфаатларидан келиб чиққан ҳолда, албатта, биз ушбу музокара жараёнини имкон қадар тезроқ бошлашдан манфаатдормиз. Биз аввалроқ бундай қизиқиш ҳақида гапирган эдик, шунинг учун тўп бизнинг мамлакатимиз билан барча мазмунли алоқаларни тўхтатган америкаликлар майдонида”, — деди Песков.
Эслатиб ўтамиз, 2023-йилда Россия 2026-йилнинг февралида тугайдиган Стратегик ҳужум қуролларини қисқартириш бўйича Шартномада (СТАРТ) иштирокини тўхтатди. Россия Ташқи ишлар вазирлиги, агар Қўшма Штатлар бир қатор шартларни бажарса, "Россия хавфсизлигига путур этказиш курсидан воз кечиш" ва "асосий қарама-қаршиликларни" бартараф этишга тайёр бўлса, мулоқот қилиш мумкинлигини таъкидлайди.
2010-йилда имзоланган ва 2021-йилда янгиланган янги СТАРТ қитъалараро баллистик ракеталар, сувости кемаларидан учириладиган баллистик ракеталар, уларнинг учиргичлари ва жанговар каллаклари, шунингдек, оғир бомбардимончи самолётлар ва уларнинг ядровий қуроллари сонини қисқартиришни назарда тутади.
Кремлнинг баёноти Дональд Трампнинг АҚШ, Россия ва Хитойнинг ядровий арсеналларини қисқартириш имконияти ҳақидаги сўнгги сўзларига жавобан келди. Америка президентининг сўзларига кўра, Владимир Путин бу ғояни қўллаб-қувватлаган ва Пекин билан “яхши суҳбат бўлган”. Шу билан бирга, Трамп Хитой ядро арсенали ҳозир Американикидан кичикроқ бўлса-да, 4-5 йил ичида вазият ўзгариши мумкинлигини таъкидлади.
Роналду "Реал"га қайтиши мумкин
Табиат инсондан ўч олмоқда
Россия банклари рекорд даражада даромад олди
