Коронавирусдан тузалиб чиққанлар тишлари тушаётганидан шикоят қилди. Huffington Post нашрининг ёзишича, шифокорлар ушбу симптом COVID-19 билан боғлиқлигини расман тасдиқламаган.
Жабрланганлар тиш ва милк билан боғлиқ муаммоларга дуч келаётгани ҳақида ижтимоий тармоқларда маълум қилган. Тиш тушишидан ташқари, айрим беморлар COVID-19’дан сўнг милк оғриғи пайдо бўлганини билдирган. Бундай аломатлар ҳақида хабар берган беморларнинг аксариятида илгари тиш билан боғлиқ муаммолар бўлмаган.
Қон томирлари биологи ва Ангиогенез фонди тиббий директори Уильям Ли коронавирус қон айланиш тизимининг ишига тўсқинлик қилишини тушунтирди. «Жағингиз қон томирларига жуда бой», — деган мутахассис ва у тишларнинг ички қисмини тўлдириб туришини таъкидлаган. Мутахассиснинг фикрича, қон оқими тишлар тушиши билан боғлиқ муаммоларга олиб келади.
Унинг таъкидлашича, тишлари қонсиз тушганини айрим беморларнинг сўзлари тасдиқламоқда. Бу эса унга қон кириш йўли тўсиб қўйилганидан далолат беради. Биологнинг огоҳлантиришича, қон томирларининг шикастланиши COVID-19’дан тиклангандан кейин ҳам сақланиб қолади, шу сабабли тишлар коронавирус асоратлари йўқолгандан кейин ҳам тушишни бошлаши мумкин.
Нью-Йоркдаги Жаҳон соғлиқни сақлаш директори Эрик Чио-Пенанинг таъкидлашича, янги симптом аниқлангани ҳақида гапиришга ҳали эрта, чунки ҳозирча бунга етарлича маълумот йўқ.
Эрон етакчиси Али Хоманаий комада
Америкалик рус аскарини қандай қилиб тўхтатишни ўйлаб топди
«Коинот гўзали» танлови ғолиби аниқ бўлди
