Саудия Арабистонидаги умра зиёратидан қайтган 3 қирғизистонликда коронавирус инфекцияси аниқланган. Улар аввалига уй карантинида бўлишган. Кейинроқ Ўш шаҳрига олиб борилган.
Коронавирус Марказий Осиёда
Тождор вирус Марказий Осиёнинг 3 та давлатига кириб улгурган. Дастлаб Қозоғистонда (ҳозир улар сони 35 та), кейинроқ Ўзбекистонда (ҳозирча 11 киши) аниқланган. Ўзбекистонда 2 ҳафталик карантин эълон қилинган.
Ҳозиргача COVID-19 вируси билан касалланганлар дунёнинг 150 дан ортиқ мамлакатида аниқланган. Уларга қарши АҚШ ва Хитой вакциналар ишлаб чиққани айтилмоқда. Бироқ ҳозирча синаб кўрилмаган.