Колумбияда ҳарбий самолётнинг қулаши оқибатида камида 38 киши ҳалок бўлди

Колумбия жанубидаги ўрмонли ҳудудда Hercules C-130 ҳарбий транспорт самолёти қулаши оқибатида камида 38 киши ҳалок бўлди ва 83 киши жароҳат олди.

Самолёт парвоз қилган Пуэрто-Легуисамо шаҳрининг хавфсизлик ва маъмурий ишлар бўйича катта ёрдамчиси Карлос Кларос The Wall Street Journal нашрига телефон орқали берган интервьюсида шундай деди.

Унинг сўзларига кўра, бортдаги баъзи ҳарбий хизматчилар самолёт қулашидан бир неча сония олдин самолётдан чиқиб кетишган. Бортдаги 125 кишидан тўрт нафари бедарак йўқолган ва уларни қидириш ишлари давом этмоқда.

Авария сабаби ҳали аниқланмаган.