Когон шаҳрида иш жойини бангихонага айлантирган шахс аниқланди.
Маълум қилинишича, гиёҳвандлик моддалари билан боғлиқ жиноят ишини тергов қилиш жараёнида Бухоро шаҳрида яшовчи, 1984 йилда туғилган фуқаро Р.Ф. ўзи қоровул бўлиб ишловчи МЧЖ қоровулхонасида елимли баклашкалардан ҳамда мис чилим идишлардан тайёрланган ускуналари билан “марихуана” гиёҳвандлик воситасини чекиш йули орқали истеъмол қилиш учун шароит яратиб, фуқаро Ж.З.га гиёҳвандлик воситасини чекишни таклиф қилиб, биргаликда истеъмол қилиб, қонунга хилоф равишда бангихона ташкил қилганлиги аниқланган. Ф.Р.га нисбатан ЖКнинг 273-моддаси 4-қисми билан қўшимча айб эълон қилинган.
