Ким кучлироқ, Исломми ёки Хабиб?

Россиялик таниқли боксчи Артур Бетербиев ММА жангчилари Хабиб Нурмагомедов ва Ислом Махачевни ўзаро таққослади.

"Ким яхшироқ - Хабибми ёки Ислом? Келинг, уларнинг спортда эришган ютуқларига назар ташлайлик. Махачев икки дивизионда чемпион бўлди. Шу боис мен уни танлаган бўлардим. Бироқ Хабиб мағлубиятсиз ҳолда нафақага чиққанини ҳам унутмаслик зарур", - деди чарм қўлқоп устаси "Bloody Elbow" You Tube каналига берган интервьюсида.

Эслатиб ўтамиз, Махачев австралиялик Жек Делла Маддаленани мағлуб этиб, UFC нинг ярим ўрта вазн тоифасида чемпионга айланганди.