Шимолий Корея етакчиси Ким Чен Иннинг синглиси Ким Ё Чжон жанубий кореялик сиёсатчиларни итга қиёслади. У агар Жанубий Корея КХДРга қарши ҳарбий чора кўришга қарор қилса, мағлуб бўлишини ваъда қилди. Бу ҳақда Марказий телеграф агентлиги хабар берди.
«Қўрқиб кетган ит яхши ҳуради, лекин яқинда Корея қўғирчоқбоз ҳарбий тўдаси раҳбарлари ўзларининг ҳуришлари билан барча чегараларни кесиб ўтишди», деди у.
Расмийнинг таъкидлашича, Қўшма Штатлар Жанубий Кореяга «бепарво жасорат»ни сингдирмаслиги керак, чунки агар у ва унинг иттифоқчилари «куч билан мақтанишда» ва КХДР хавфсизлигига таҳдид солишда давом этса, уларнинг ўзлари хавф остида қолади.
Ўтган йилнинг ноябрь ойида Ким Ё Чжон Шимолий Корея ҳеч қачон АҚШ билан музокара столига ўтирмаслигини ва бу давлат билан мулоқотни тикламаслигини айтган эди. Унинг таъкидлашича, Шимолий Корея БМТга аъзо давлат сифатида ҳеч қандай чекловларсиз сиёсат олиб боришда давом этади, Қўшма Штатлар эса глобал тинчлик ва хавфсизликка путур етказади.
Тожикистонда баҳорги муддатли ҳарбий хизматга чақирув режаси 70 фоизга бажарилди
Дин ишлари бўйича қўмита ходимлари ўртасида жанжал келиб чиқдими?
Америкалик таниқли боксчи Баҳодир Жалолов ҳақида фикр бирдирди
