Шимолий Корея етакчиси Ким Чен Ин Россия президенти Владимир Путинга мамлакат шимоли-ғарбидаги сув тошқини оқибатларини бартараф этишга кўмаклашиш истаги учун миннатдорчилик билдирди. Унинг қайд этишича, ҳозирги босқичда барча зарур чоралар кўрилган, бироқ керак бўлса, Пхеньян Москванинг ёрдамини қабул қилишга тайёр.
"Ким Чен Ин КХДР ҳукумати, Корея Меҳнат партияси, корейс халқи ва шахсан ўз номидан Владимир Путин ва Россия ҳукуматига самимий миннатдорлик билдирди. У ўз миннатдорчилигини билдирди ва энг оғир дамларида ҳақиқий дўстга нисбатан ўзгача туйғуни ҳис қилганини таъкидлади”, — дейилади Шимолий Корея раҳбарининг жавоб телеграммасида (Корея марказий ахборот агентлиги (ЦТАК) иқтибос келтирган).
Владимир Путиннинг етказилган зарарни бартараф этишга ёрдам бериш таклифига жавобан Ким Чен Ин расмийлар сув тошқини оқибатларини зудлик билан бартараф этиш чораларини кўрганини ва режа асосида ҳаракат қилишини айтди. “Агар қайта тиклаш вақтида ёрдам керак бўлса, биз буни энг самимий дўстларимиздан — Москвадан сўраймиз”, — дея қўшимча қилди у.
Шимолий Корея шимоли-ғарбида сув тошқинлари июль ойи охирида бошланган. Мамлакатда фавқулодда ҳолат эълон қилинди. Сув тошқини натижасида энг катта зарарни Пхьенян вилоятининг Хитой билан чегарадош Синыйджу шаҳри ва Уйжу округи аҳолиси кўрди. Турли ҳисоб-китобларга кўра, 4 мингдан ортиқ уй сув остида қолган.
