Киевнинг айрим иттифоқчилари Украинадаги можаро қандай якунланиши мумкинлигини муҳокама қила бошлади

Бу ҳақда Bloomberg хабар берди.

Агентлик манбаларининг сўзларига кўра, Украинанинг иттифоқчилари можарони музокаралар йўли билан тугатиш қандай бўлиши мумкинлиги ва бунинг мумкин бўлган йўллари ҳақидаги стсенарийларни жиддий муҳокама қила бошлаган. Шу билан бирга, музокаралар бўйича ҳар қандай қарорни фақат Киев қабул қилиши ва ҳеч ким Украина президенти Владимир Зеленскийга босим ўтказмаётгани таъкидланмоқда.

"Можаро давом этаётгани ва жанг майдонида сезиларли ўзгаришлар бўлмагани сабабли, баъзи Ғарб расмийлари боши берк кўчадан чиқиш учун дипломатиядан фойдаланиш имкониятини кўриб чиқа бошлаган", деб ёзади Bloomberg.

Айни пайтда бу саъй-ҳаракатлар Ғарб давлатларида Киевни муддатидан олдин ўт очишни тўхтатишга мажбур қилиши мумкинлигидан хавотир уйғотмоқда. Бироқ агентлик мақоласида қайси Ғарб давлатлари ва Киевнинг қайси иттифоқчилари муҳокама қилинаётгани кўрсатилмаган.