Киев Хитой ва бошқа мамлакатлар ташаббусларини «тинчлик формуласи»га бирлаштира олади

Украина Владимир Зеленскийни «тинчлик формуласи»га интеграция қилиш учун Хитой, Бразилия ва Жанубий Африканинг ташаббусларини кўриб чиқиши мумкин, деди Украина президенти девони раҳбари Андрей Eрмак Италиянинг Corriere Della Sera нашрига берган интервьюсида.

«Ноябрь ойи бошида биз тинчлик формуламизни якунлаймиз ва Зеленский шундан сўнг Хитой, Бразилия, Жанубий Африка ва шунга ўхшаш бошқа ташаббусларни бизникига интеграция қилиш учун тинглашга тайёрлигини айтди», — деди у. Бу ҳақда РБK-Украина иқтибос келтирган.

«Унда бизнинг таклифимиз сезиларли даражада қўллаб-қувватланади», дейди Eрмак.

Ёзда Зеленский Швейцариядаги саммитда ўзининг «тинчлик формуласини» тақдим этган эди. Иккинчи саммит қачон бўлиб ўтиши ва Россиянинг унда иштирок этиши номаълум. Зеленский кузда АҚШ ва Европага «Ғалаба режаси»ни тақдим этган эди. Москва ҳар иккала ташаббусни ёмон кўрарди, аммо Пекиннинг тинчлик ўрнатиш бўйича таклифларини ижобий баҳолади.