Жанубий Корея расмийлари 4 август куни мамлакат чегараси бўйлаб Шимолий Кореяга қарши радиоэшиттиришлар учун мўлжалланган карнайларни олиб ташлашни бошлади. Бу ҳақда Korea Times ёзмоқда.
Қайд этилишича, президент Ли Чжэ Мённинг янги ҳукумати Пхеньян билан кескинликни юмшатишга интилмоқда.
Июнь ойида лавозимга киришганидан кўп ўтмай, Ли маъмурияти Шимолий Корея режимини танқид қилувчи тарғибот дастурларини тўхтатганди, чунки у қўшнилар билан тўхтаб қолган мулоқотни қайта тиклашга ҳаракат қилмоқда.
Бироқ Шимолий Корея яқинда музокарага бўлган таклифларни рад этиб, Жанубий Корея билан гаплашишдан манфаатдор эмаслигини маълум қилган. Ким Чен Иннинг синглиси Ким Ё Жонг Жанубий Кореянинг тинчлик ташаббусларини «жиддий ва янглиш ҳисоб-китоб» деб баҳолаган.
«Агар Жанубий Корея бир нечта сентименталь гаплар билан ўз хатти-ҳаракатларининг барча оқибатларини ортда қолгандек қабул қилинишини кутаётган бўлса, бундан каттароқ янглишиш бўлиши мумкин эмас», — дея таъкидлади у.
Жанубий Кореянинг душанбадан бошлаб радиокарнайларни демонтаж қилиши «Жануб ва Шимол ўртасидаги кескинликни юмшатишга ёрдам берадиган амалий чорадир», — дейилади Жанубий Корея тарафи эълон қилган баёнотда.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
