Кенг миқёсли уруш бошлангандан сўнг, Россия Украинага “тинчлик шартномаси”ни таклиф қилган

Кенг миқёсли уруш бошлангандан сўнг, Россия Украинага “тинчлик шартномаси”ни таклиф қилган.

“Озодлик радиоси” манбаларига таяниб 2022 йил 7 март санасида Москва томонидан илгари сурилган “тинчлик шартномаси” лойиҳасини эълон қилди. Кремл уни Киевга Беларусдаги музокараларнинг 3-раундида топширган.

Ўт очишни тўхтатиш эвазига Украина Россиянинг қуйидаги шартларини бажариши керак бўлган:
◾️Армия сонини 50 000 кишигача қисқартириш;
◾️ Армияни доимий жойлаштириш пунктларига қайтариш;
◾️Ҳеч қандай ҳарбий иттифоқларга кирмаслик;
◾️Ўз ҳудудида 250 км дан ортиқ масофага учадиган ракета қуролларига эгалик қилмаслик ёки жойлаштирмаслик;
◾️Россия Федерацияси келажакда Украинада ишлаб чиқилиши мумкин бўлган қуролларнинг ҳар қандай турларини тақиқлаш ҳуқуқини ўзида сақлаб қолиши;
◾️2014 йилдан бери вайрон бўлган Донбасс инфратузилмасини тиклаш харажатларини Киев ўз зиммасига олиши;
◾️Маъмурий ҳудудлари доирасида ДХР ва ЛХРнинг мустақиллигини тан олиш
◾️Россияга қарши барча санкцияларни, шу жумладан, Ғарб давлатлари санкцияларини ҳам бекор қилиш;
◾️Украинада рус тилига давлат тили мақомини бериш.