Бу йилнинг охиригача Италия сайёҳлар учун чегараларни очмайди, деди маданият ва туризм вазири Дарио Франческини "La Repubblica” газетасига берган интервьюсида.
Вазир Италияда коронавирус сабабли ёпилган музейлар ва асосий диққатга сазовор жойлар май ойида очилишини тан олган. Уларнинг орасида Колизей ва Помпей ҳам бор.
Вазирнинг қўшимча қилишича, ҳукумат ички туризм ва кам таъминланган оилаларни қўллаб-қувватлайди. Уларга Италия курортларидаги ёзги таътил учун ҳар бир оилага 500 еврогача субцидиялар берилади.
Эслатиб ўтамиз, Италияда коронавирусга чалинганлар сони қарийб 193 минг кишини ташкил этади, уларнинг 26 минг нафари вафот этган. Сўнгги бир неча кун ичида мутахассислар инфекция юқтириш ҳолатлари камаяётганини қайд этди.
