Камбоджа Таиланд билан барча чегараларни ёпди

Камбоджа Таиланд билан чегарадаги барча ўтиш жойларини ёпиб қўйди.

Бу ҳақда Камбоджа ички ишлар вазирлиги баёнотига таяниб, Khmer Times нашри хабар берди.

Вазирликнинг таъкидлашича, бу қарор "чегарада охирги пайтларда Таиланд томони Камбоджа суверенитетига қарши тажовузкор ҳаракатлар содир этгани муносабати билан" қабул қилинган. Чеклов 13 декабрдан номаълум муддатга амал қилади.

Эслатиб ўтамиз, ўтган ҳафта охирида Таиланд ва Камбоджа ўртасидаги чегара ҳудудларида жанговар ҳаракатлар авж олган эди. Томонлар ўт очишни тўхтатиш режимини бузганликда айблашди.

Сўнгги маълумотларга кўра, Таиланд чегарадаги тўқнашувларда 14 нафар ҳарбий хизматчисини йўқотган, 120 дан ортиқ киши жароҳат олган. Камбоджа расмийлари эса 11 киши ҳалок бўлган ва 74 киши жароҳат олган. Жанглар туфайли Таиланднинг чегара провинсияларининг 400 мингга яқин аҳолиси эвакуация қилинган, 300 мингдан ортиқ киши эса Камбоджадаги уйларини тарк этишга мажбур бўлган.