Каллас: “Уруш севги саргузаштига ўхшайди — кириш осон, чиқиш қийин”

Европа Иттифоқи дипломатияси раҳбари Кая Каллас Эрон атрофидаги вазият юзасидан эҳтиёткорликка чақирди.

Унинг таъкидлашича, урушга кириш осон бўлса-да, ундан чиқиш жуда қийин. Каллас бу ҳолатни “севги саргузашти”га қиёслаб, можаролар тезда кенгайиб кетиши мумкинлигини айтди.

Шунингдек, у Европа Иттифоқи Эрон билан узоққа чўзилиши мумкин бўлган можарога осонгина тортилиб кетиши эҳтимоли борлигини қайд этди.

Каллас АҚШ томонидан Ҳормуз бўғозида ёрдам сўралаётган бир пайтда шошма-шошарликка йўл қўймаслик ва барча қарорларни эҳтиёткорлик билан қабул қилиш зарурлигини таъкидлади.