Калифорния губернатори Трампнинг штатга қўшин юбориш ҳақидаги қарорига қарши

Калифорния губернатори Гевин Нюсом Трампнинг штатга Миллий гвардия қўшинларини киритиш ҳақидаги қарорини “мақсадли провокатсион” деб атади. Унинг сўзларига кўра, маҳаллий ҳуқуқ-тартибот идоралари назорат остида ва федерал ҳокимият шунчаки шоу қилмоқда.

Бу ҳақда CНН телеканали хабар бермоқда.

Оқ уй қўшинларнинг киритилишини “қонунсизликни тўхтатиш ва ноқонуний жиноятчилар босқинини тўхтатиш” зарурлиги билан оқлади. Оқ уй матбуот котиби Керолин Леавиттнинг айтишича, Калифорния демократлари "фуқароларни ҳимоя қилиш масъулиятини бутунлай менсимаган". Бироқ Лось-Анжелес полицияси шанба кунги намойишлар тинч ўтганини айтди.

Парамоунт шаҳри чеккасида намойишчиларни тарқатиш учун кўздан ёш оқизувчи газ ва портлаш ишлатилган, тўрт киши ҳибсга олинган. Намойишлар 44 муҳожир иммигратсия рейдларида қўлга олинганидан кейин бошланган.

Ҳуқуқ-тартибот идоралари Миллий гвардияни жойлаштиришни тескари натижага олиб келиши мумкин бўлган ҳаддан ташқари иш деб атамоқда. 1992 йилдан бери биринчи марта қўшинлар Лось-Анжелесга давлат расмийлари сўровисиз мажбуран жўнатилган.