Жаҳон соғлиқни сақлаш ташкилоти (ЖССТ) ўз иш кўламини ва ходимлар сонини, шу жумладан, юқори бошқарув даражасида қисқартиришни кўриб чиқмоқда.
Бу ҳақда Reuters хабар бермоқда.
Таъкидланишича, бундай чоралар энг йирик ҳомий бўлган АҚШнинг ташкилотдан чиқиши фонида молиялаштириш билан боғлиқ муаммолар туфайли кўриб чиқилмоқда.
ЖССТ раҳбари Тедрос Адҳаном Гебрейесус ўз баёнотида Вашингтоннинг қарори мудофаа харажатларини ошириш учун бошқа мамлакатларнинг ёрдамини қисқартириш билан биргаликда "вазиятни сезиларли даражада оғирлаштирганини" таъкидлади.
Эслатиб ўтамиз, 21 январь куни АҚШ президенти Дональд Трамп АҚШни ЖССТдан чиқариш тўғрисидаги фармонни имзолаган эди. АҚШ раҳбари маъмурияти ўз қарорини "COVID-19 пандемиясига нотўғри муносабат" ҳамда бошқа глобал соғлиқни сақлаш инқирозлари билан изоҳлади.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
