Жозеп Боррель "Яҳё Синвар ўлдирилганидан кейин янги истиқбол очилди"

Европа дипломатияси раҳбари Жозеп Боррель G7 мудофаа вазирлари йиғилиши чоғида баёнот берди.

“Албатта, Яҳё Синвар ўлдирилганидан кейин янги истиқбол очилди ва биз бундан фойдаланиб, ўт очишни тўхтатишга эришиш, қолган гаровга олинганларни озод қилиш ва сиёсий истиқболни топишимиз керак”, – деди Ж.Боррель.

Европа вакилининг фикрича, Ливан суверенитетини тиклаш зарур.

"Биз Ливан институтларини ишлашига мажбур қилишимиз керак. Ливанликлар масъулиятни ўз зиммаларига олишлари керак. Улар президентни сайлашлари керак, биз эса уларни қўллаб-қувватлашимиз керак, токи уларнинг армияси чегараларда хавфсизликни кафолатлай олиши мумкин, бугунги кунда бундай эмас”, – деди Ж.Боррель.

Унинг сўзларига кўра, БМТ тинчликпарвар кучларига ҳужумлар мутлақо қабул қилиб бўлмайди.

"Улар кетма-кет уч кун давом этишди. Бирлашган Миллатлар Ташкилоти кучлари бутун дунёда ҳурмат қилиниши керак, хусусан, улар тинчликпарвар сифатида ажойиб ишларни амалга ошираётган жойларда. Хўш, энди тинчлик ўрнатувчилар йўқ, чунки дунёда тинчлик йўқ. Балки UNIFIL миссиясининг мандати қайта кўриб чиқилиши керакдир, лекин биринчи навбатда қилиниши керак бўлган нарса ўт очишни тўхтатишдир”, – деди у.