АҚШнинг “Johnson & Johnson” компанияси томонидан ишлаб чиқилган янги коронавирусга қарши вакцина клиник синовларининг биринчи ва иккинчи даврининг биринчи босқичи муваффақиятли ўтди. Кўнгиллиларда барқарор иммунитет шаклланди.
Маълумотларга кўра, тест синовларида 800 киши икки гуруҳга бўлинган ҳолда қатнашган. Биринчи гуруҳга 18 ёшдан 55 ёшгача бўлганлар, иккинчи гуруҳга 65 ёшдан ошганлар киритилган. Олимларнинг таъкидлашича, олинган хулосалар дастлабки натижа бўлиб, ҳали мустақил экспертлар томонидан тасдиқланмаган.
Олимлар коронавирусга қарши эмлангандан 29 кун ўтгач, клиник синовларда иштирок этганларнинг 99 фоизида антитаналар пайдо бўлганини аниқлаган.
Шу билан бирга, ножўя таъсирлар ҳам кузатилган. Жумладан, иситма, бош оғриғи, танада оғриқ, инъекция жойида заифлик кузатилиб, бир-икки кун ичида ўтиб кетган.
Олимларнинг фикрича, тест натижалари вакцина билан боғлиқ ишларнинг янада ривожланишига ёрдам беради.
Ўғри божхоначилар 26 тонна олтин билан қўлга тушди
Арманистон шу йилнинг ўзидаёқ Европа Иттифоқига киришга тайёр
Германия ва Швеция ҳарбий ҳамкорликни кучайтирмоқчи
