АҚШ президенти Жо Байден бир неча соат олдин илгари Twitter номи билан танилган Х ижтимоий тармоғида ҲАМАС мотивлари ва уруш ҳақида твит эълон қилди. Твитнинг сўзлари ижтимоий тармоқлар ва жаҳон матбуотида бу АҚШнинг Исроилга нисбатан сиёсатидаги ўзгаришми ёки, масалан, сайлов кампаниясининг бир қисмими, деган саволни қолдирмоқда.
АҚШ президентининг расмий аккаунтида эмас, Байденнинг шахсий аккаунтида чоп этилган твит ҲАМАСнинг Исроилга рейдни исроилликлар ва фаластинликлар ўртасида тинчлик ўрнатилишидан қўрққанлиги сабаб бошлагани ҳақидаги баёнот билан бошланади.
"Террор, зўравонлик, қотиллик ва уруш йўлида давом этиш ҲАМАСга хоҳлаганини бериш демакдир. Биз бундай қила олмаймиз", — деб давом этди Байден постида.
BBCнинг қайд этишича, бу сўзнинг оҳанги Вашингтоннинг расмий баёнотларидан тубдан фарқ қилади, улар Исроилнинг ҲАМАС йўқ қилинмагунча ёки ҳеч бўлмаганда Ғазо секторидан чиқариб юборилмагунча урушни тўхтатиб бўлмайди, деган позициясини қўллаб-қувватлайди.
"Кейинги йилги сайловга тайёргарлик кўраётган Байден ўз маъмуриятини Исроилни сўзсиз қўллаб-қувватлаётгани учун танқид қиладиган маҳаллий аудиторияга мурожаат қиляптими ёки йўқми, номаълум", — дейди нашр.
Ал-Жазиранинг Вашингтондаги мухбирининг ҳам қайд этишича, Байден шу пайтгача Ғазодаги уруш ҳақида бутунлай бошқача оҳангда гапирган.
“Ва энди, агар сиз ушбу баёнотни ижтимоий тармоқларда таҳлил қилсангиз, Байден ҲАМАС урушни хоҳлайди, биз бунга йўл қўя олмаймиз, деяпти. Уруш тугаши керак деганими? — Ал-Жазира мухбири Байденнинг баёноти сиёсатдаги ўзгаришлар сигналига ўхшайди, аммо барибир кўплаб саволлар туғдиради, деб таъкидлайди.