Жиззах вилоятида 40 ёшли эркак ов қуроли билан 20 ёшли йигитнинг жонига суиқасд қилди.
Ўзбекистон Республикаси Бош прокуратураси Матбуот хизмати хабарига кўра, жорий йилнинг 20 октябрь куни соат 00:00 ларда Жиззах вилояти, Шароф Рашидов тумани, Тоқчилик маҳалласида фуқаро Зафар И. (1979 й.т.) фуқаро Ёрқин Б. (1999 й.т.) ва унинг қариндошлари билан ўзаро жанжаллашиб қолган. Зафар И. МС-2112 русумли ов қуроли билан уларга қарата 6 маротаба ўқ узиб, қасддан ўлдиришга суиқасд қилган.
Мазкур ҳолат юзасидан 21 октябрь куни Шароф Рашидов тумани прокуратураси томонидан Зафар И.га нисбатан ЖКнинг 25, 97-моддаси 2-қисми “а” банди билан жиноят иши қўзғатилган.
Зафар И. процессуал тартибда ушланган. Тергов ҳаракатлари давом этмоқда.