Жей Ди Вэнс Виктор Орбаннинг сайловолди кампаниясини қўллаб-қувватлаш учун Будапештга ташриф буюрди

Жей Ди Вэнс Виктор Орбаннинг сайловолди кампаниясини қўллаб-қувватлаш учун Будапештга ташриф буюрди.

Венгрия мухолифати етакчиси Петер Мадьяр Жей Ди Вэнснинг ташрифига муносабат билдирди.

"Ҳеч бир хорижий давлат Венгриядаги сайловларга аралаша олмайди", — дея баёнот берди Мадьяр.

Венгрия Ташқи ишлар вазири Петер Сийярто ижтимоий тармоқлар учун тайёрланган қисқа видеороликда Жей Ди Вэнснинг бугунги ташрифини "тарихий" деб атаган. Унинг таъкидлашича, бу 1991 йилдан бери АҚШ вице-президентининг илк ташрифи ва 2006 йилда кичик-Жорж Буш келганидан бери Қўшма Штатларнинг энг юқори мартабали вакилининг ташрифи ҳисобланади.

"Шубҳа йўқки, бу Венгрия-Америка муносабатлари учун олтин давр", — деди Сийярто.

Унинг сўзларига кўра, бугунги музокараларда миграция, глобал хавфсизлик, шунингдек, Венгрия ва АҚШ ўртасидаги иқтисодий ва энергетика соҳасидаги ҳамкорлик масалалари муҳокама қилинади.