2026 йилги Жаҳон чемпионати стартига яқинлашганимиз сари ташкилий масалалар ойдинлашмоқда. ФИФА турнир иштирокчилари учун жами 61 та қароргоҳни (локация) тасдиқлади. Эътиборлиси, ҳамюртларимизнинг мундиал давомида қаерда қўним топиши ҳам маълум бўлди.
Ўзбекистон миллий терма жамоаси мусобақа давомида АҚШнинг Атланта шаҳрида истиқомат қилади. Вакилларимиз машғулотларни МЛСнинг таниқли клубларидан бири — «Атланта Юнайтед» жамоасига тегишли замонавий қароргоҳда олиб боришади. Бу база барча зарур шароитлар ва юқори технологик тикланиш марказлари билан таъминлангани билан ажралиб туради.
Гуруҳдаги рақибларимиз ҳам ўз жойларини аниқлаб олишган:
Португалия: Палм Бич Гарденс (Флорида) шаҳрида;
Колумбия: Колумбус (Огайо) шаҳрида ўрнашадиган бўлди.
ФИФА базаларни тақсимлашда жамоаларнинг ўйинлари ўтадиган стадионлар географиясини инобатга олган. Режага кўра, терма жамоамиз ўйин ўтадиган шаҳарларга махсус чартер рейслари орқали бориб келади. Баҳс якунлангач, футболчилар яна Атлантадаги ўз базасига қайтиб, кейинги баҳсга тайёргарликни давом эттиришади.
Бундай тизим футболчиларнинг ортиқча чарчаб қолмаслиги ва доимий муҳитда тикланиши учун хизмат қилади.
"Манчестер Сити" ҳам Абдуқодир Ҳусановга мурожаат қилди
Роналду ўз мақсадига эришди
Машҳур модель Ҳусановга учрашув таклиф қилди
