Жанубий Хитой денгизидаги Хуанъянь ороли (Скарборо рифи) яқинида Филиппин кемасини таъқиб қилаётган Хитой қирғоқ қўриқлаш хизмати кесувчиси Хитой ҳарбий-денгиз кучлари кемаси билан тўқнашиб кетди.
Бу ҳақда Manila Bulletin нашри хабар берди.
Филиппин қирғоқ хавфсизлик хизмати жамоатчилик билан алоқалар бўлими ходими Жей Тарриела аниқлик киритишича, ҳодиса инсонпарварлик миссияси чоғида содир бўлган. Филиппин кемалари баҳсли рифда балиқчиларга гуманитар ёрдам тарқатаётганда, улар Хитой кемалари томонидан “хавфли маневрлар ва блокада”га дуч келишди.
Хитой қирғоқ қўриқлаш хизмати кесувчиси сув тўпидан фойдаланиб, Филиппин кемасини таъқиб қилган. Таъқиб пайтида у кутилмаганда Хитойнинг каттароқ ҳарбий кемаси билан тўқнашиб, иккаласига ҳам зарар етказган.
Май ойида Халқ Озодлик Армияси (ХХҚ) жанубий зона жанговар қўмондонлиги матбуот котиби Тян Жунли Хитой ҳарбийлари Пекин ва Манила ўртасидаги ҳудудий баҳс мавзуси бўлган Хуанъянь ороли (Скарборо рифи) сувларига Филиппин патруль катерининг кириб келишининг олдини олишга муваффақ бўлганини маълум қилган эди.
У Хитой ҳарбийларининг ҳаракатларини профессионал ва қонуний деб баҳолади.
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
Самарқанддаги “Қорасув” сув омбори бутунлай қуриб қолди
