Экология, атроф-муҳитни муҳофаза қилиш ва иқлим ўзгариши вазирлиги тасарруфидаги "Жанубий Устюрт" миллий табиат боғи ҳудудидаги "Сариқамиш" кўлида вишилдоқ оққушлар тасвирга олинди.
Вишилдоқ оққуш ноёб тур ҳисобланиб, Табиатни муҳофаза қилиш иттифоқи Қизил рўйхатига, Ўзбекистон Республикаси "Қизил китоби"га киритилган.
Бу қушлар, асосан, денгиз қирғоқлари, ташлама сув кўллари ва сув омборларида яшайди. Баҳорда, феврал – март ойларида учиб ўтади. Қамишзорлар орасига, қия оролларга ин қуради, май ойида 3 – 9 та тухум қуяди ва 35 кун босиб ётади. Полапонлари август – сентябрь ойларида уча бошлайди.
