Жанубий Корея Шимолий Кореяга варақалар ва флеш-дисклар солинган шарлар юборди
Шимолий кореялик қочқинлар гуруҳи Жанубий Корея ҳудудидан КХДРга Пхеняннинг ҳаракатларини қораловчи варақалар туширилган шарларни жўнатди . Бу ҳақда Ёнҳап агентлиги хабар бермоқда .
Акция «Эркин Шимолий Корея учун коалиция» уюшмаси томонидан амалга оширилди. Фаоллар 10 та катта шарларни учирдилар, улар ичига Шимолий Корея ҳукуматини танқид қилувчи 200 минг варақалар, Жанубий Корея мусиқалари ва фильмлари туширилган 5 минг УСБ-диск ва 2 минг бир долларлик чеклар жойлаштирилди.
Эслатиб ўтамиз, сўнгги ҳафталарда КХДР Жанубий Корея ҳудудига деярли 1 мингта шар жўнатганди – уларга ахлат ва гўнг солинган қоплар ёпиштирилган эди. Шимолий Кореянинг КCНА ахборот агентлиги қўшни давлат ҳудудига жами 15 тонна чиқинди юборилганини маълум қилди. КХДР расмийлари бу ҳаракатлар Жанубий Корея томонидан ташвиқот варақалари тарқатилишига жавоб, деб тушунтирди. Бундан ташқари, шарлар Пхенянга чегара ҳудудида ГПС сигналини тиқилиб қолишига ёрдам беради.
Шундан сўнг Жанубий Корея Миллий хавфсизлик кенгаши «ўзаро ишонч тикланмагунча» кескинликни пасайтириш мақсадида Кореялараро пактни тўхтатишга қарор қилди.
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
Россиянинг уруш машинаси тезлашмоқда
