Жанубий Корея президентлик сайловини 3 июнь куни ўтказишни режалаштирмоқда

Жанубий Корея ҳукумати президентлик сайловларини 3 июнь куни ўтказиш ниятида, дея хабар бермоқда Ёнҳап агентлиги ҳукуматдаги манбага таяниб.

Президентлик сайловини ўтказиш тўғрисидаги қарор 8 апрель куни бўлиб ўтадиган вазирлар маҳкамаси мажлисида тасдиқланади

“Масаланинг муҳимлиги ва сайлов кунини вақтинчалик дам олиш куни деб эълон қилиш зарурлигини инобатга олган ҳолда, қарор Вазирлар Маҳкамаси мажлисида тасдиқланади”, — дейилади агентлик манбасидан иқтибос келтирган ҳолда.

Қайд этилишича, давлат раҳбари сайлови Конституциявий суд томонидан президент Юн Сеок Ёол лавозимидан четлатилганидан кейин 60 кун ичида ўтказилиши керак.

4 апрель куни Корея Республикаси Конституциявий суди президент Юн Сеок Юлнинг мамлакатда ҳарбий ҳолат жорий этиш тўғрисидаги қарори туфайли Миллий ассамблея томонидан чиқарилган импичментни бир овоздан тасдиқлади. Суд раиси Мун Хён Бейнинг таъкидлашича, Юн ҳарбий ҳолат эълон қилиш ва ҳарбий куч ишлатиш учун етарли асосга эга эмас.

Юн 3 декабрь куни “Шимолий Корея тарафдори давлатга қарши кучларни йўқ қилиш” учун ҳарбий ҳолат эълон қилди. Ҳарбийлар парламентга келишди, бироқ депутатлар президент қарорини бекор қилишга муваффақ бўлишди. Ялпи мажлисда 190 нафар парламентарий ҳарбий ҳолатни бекор қилиш учун овоз берди, давлат раҳбари ва ҳукумат натижаларни қўллаб-қувватлади. Мудофаа вазири истеъфога чиқди. Декабрь ойи ўрталарида Миллий Ассамблея Юнга импичмент эълон қилди.