Жанубий Корея ҳарбий-денгиз кучларининг патрул катери Сариқ денгизнинг шимолий чегара чизиғидан жанубда, мамлакатлар ўртасида амалда чегара вазифасини ўтайдиган Шимолий Корея патрул кемаси пайдо бўлганида огоҳлантирувчи ўқ узди. Бу ҳақда Корея Республикаси штаб бошлиқлари қўмитасига таяниб, Yonhap агентлиги хабар берди.
Қайд этилишича, Шимолий Корея кемаси 15 апрел куни тушдан кейин Баеннендо ороли яқинидаги чегара чизиғини кесиб ўтган. Бунга жавобан Сеул Чамсури синфидаги патрул кемасини юборишга мажбур бўлди.
Агентлик манбасининг маълум қилишича, КХДР қайиғи Хитой балиқчи кемасини таъқиб қилган. Ўнта огоҳлантирувчи ўқдан сўнг, у ўз ҳудудига қайтишга мажбур бўлди. Жанубий Корея ҳарбий-денгиз кучларининг КХДРдаги ҳамкасблари билан боғланишга уринишлари муваффақиятсиз тугади.
Таъкидланишича, кўриш қийин бўлган шароитда хитойлик балиқчилар КХДР қайиғи билан тўқнашган. Бир неча кореялик денгизчилар жароҳатланган.
