Жанубий Каролина сенатори Линдси Грем Жо Байден, шунингдек, Доналд Трамп ва бошқа сиёсатчилар учун жисмоний ва когнитив тестларни ўтказишга чақирди. Республикачи қонунчи барча бўлажак президентликка номзодлар, шунингдек, президент ўрнини эгаллаши мумкин бўлганлар учун бундай тестларни ўтказишни тавсия қилди.
«Бўлажак президентликка номзодларнинг барчаси умумий тиббий кўрик доирасида неврологик текширувдан ўтиши керак», деди сенатор.
Президентни когнитив синовдан ўтказиш масаласи 81 ёшли Байденнинг баҳсда муваффақиятсиз чиқиши муносабати билан пайдо бўлди. Сиёсатчи унинг дебатдаги муваффақиятсизлиги кенгроқ руҳий тушкунлик аломати эмас, балки шунчаки «эпизод» бўлгани ҳақидаги даъволарни рад этишга уринмоқда.