1412 йилнинг январида Француз халқ қаҳрамон қизи Жанна д'Арк дунёга келди. Уни французлар "Орлеан бокираси" деб аташар эди.
Жанна д'Арк аёл киши бир вақтда қандай қилиб авлиё, бошқа бир вақтда эса шайтон бўлиши мумкин деган саволнинг жонли жавобидир.
Биз инсонлар шундаймиз. Яхши кўрганларимизни авлиё, душманларимизни эса шайтон деймиз.
Унинг ҳикояси Англия ва Франция ўртасида бўлиб ўтган юз йиллик урушга бориб тақалади.
Франциянинг катта қисми Англия мустамлакаси эди. Франция қироли ғамгин эди. Унда кишиларни эрк учун курашга сафарбар қилишга куч йўқ эди.
Аммо Жанна д'Арк ҳамма нарсани ўзгартириб юборди. У ўн олти ёшида тушида худони кўрганини, худо унга қирол Шарл еттинчининг ёнида туриб, уни қўллаб инглизларга қарши курашиб Франция ерларини инглизлардан қайтариб олишга амр қилаётганини даъво қилди. У шунчалик журъатли эдики, қиролга бориб тушини айтиб беришга ўзида куч топди. Қирол унга ишонди. Уни уруш ўчоғи бўлмиш Орлеанга юборди. Уни Орлеан қўшинида эътиборли мансабга қўйди.
Жанна уруш йўналишини ўзгартириб юборди. Уч йил ичида бир қанча жангларда ғалаба қозонди. Тарихчилар ҳали ҳам ҳайрон қолишади. У оддийгина деҳқон аёлнинг қизи эди. Сиёсатдан ҳам, урушдан ҳам бехабар эди унинг оиласи. Бир қанча вақт уруш майдонида жавлон урганидан сўнг уни бир қанча йўлтўсарлар тутиб олиб унинг душмани бўлмиш инглизларга жуда катта пул эвазига сотиб юборишади. Инглизлар уни маҳкамага топшириб уни хиёнат , исён қилиш ва жодугарликда айблашади. Унинг ичида шайтоний руҳ кириб олган дейишади. Уни ана шу айблар билан айбдор деб топиб 19 ёшида тириклайин оловда куйдириб ўлдиришади. Рим католик черкови Жаннани авлиё дейди. Инглиз католик черкови уни шайтон дейди.
Ўйлашимча, у иккаласи ҳам эмас. У оддий жангчи бўлган. Ватанини бегоналар истило қилганида бор имкониятини ишга солиб озодлик учун курашган бир фуқародир!
Бундан бир нарсани олишимиз мумкин: ВАТАНГА МУҲАББАТ!
Абдулқодир Полвонов
Manba: azon.uz
