Эрон чемпионати. Жалолиддин Машарипов жамоаси Ўрунов клубини яна иккинчи ўринга тушириб қўйди

Эрон Про Лигасида 24-тур ўйинлари давом эттирилмоқда.

Ўзбекистон миллий терма жамоаси аъзоси Жалолиддин Машарипов тўп тепаётган Теҳроннинг "Истиқлол" клуби ўз майдонида "Шамс Азар Қазвин" клубини қабул қилди. Муросасиз кечган беллашувда ҳамюртимиз клуби 3:2 ҳисобида зафар қучди. Асосий таркибда майдонга тушган Машарипов 79-дақиқада мураббий томонидан захирага олинди.

Маълумот учун, "Истиқлол" ушбу ғалабадан кейин очколар сонини 53 тага етказди, ва Остон Ўрунов ҳаракат қилаётган "Персаполис"ни яна иккинчи ўринга тушириб юборди.