Жаҳон банки Тожикистондаги Роғун ГЭС қурилишини молиялаштиришнинг иккинчи босқичини маъқуллади. Лойиҳа учун 300 миллион долларлик грант ажратилади. Бу ҳақда Жаҳон банки матбуот хизмати маълум қилди.
Банк маълумотига кўра, грант қурилиш-монтаж ишлари, электромеханик ускуналарни етказиб бериш ва ўрнатиш, шунингдек, лойиҳада сифат ва хавфсизлик талаблари бажарилишини назорат қилишга йўналтирилади. Шу билан Жаҳон банки томонидан Роғун ГЭСни молиялаштиришнинг умумий ҳажми 650 миллион долларга етди.
Жаҳон банки Роғун ГЭС Тожикистонда электр энергияси тақчиллигини камайтириши ва янги иш ўринлари яратиши мумкинлигини таъкидламоқда.
Роғун ГЭСи Душанбе шаҳридан 110 км узоқликда, Вахш дарёсида жойлашган. Вахш Амударё ҳавзасининг муҳим ирмоқларидан бири ҳисобланади.
Лойиҳа маълумотларига кўра, Роғун ГЭСнинг тўлиқ қуввати 3 780 МВтни ташкил этади. Сув омборининг умумий сиғими 13,3 км³, тўғон баландлиги эса 335 метр бўлиши режалаштирилган. Таққослаш учун, Чорвоқ сув омборининг тўлиқ сиғими қарийб 2 км³, Чорвоқ ГЭСнинг қуввати эса 666 МВт атрофида.
Роғун ГЭС қурилиши 1976 йилда бошланган, аммо айрим сабабларга билан тўхтаб қолган. Кейинчалик Тожикистон лойиҳани қайта тиклади. Ҳозиргача олтита агрегатдан иккитаси ишга туширилган. Учинчи агрегатни 2027 йилда ишга тушириш режалаштирилган.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
