Италияда ҳибсга олинган россиялик губернаторнинг ўғли Артём Усс уй қамоғига ўтказилди

Италияда ҳибсга олинган Красноярск ўлкаси губернатори Александр Усснинг ўғли Артём Апелляция суди қарорига кўра уй қамоғига олинди.

Бу ҳақда “РИА Новости”га Россиянинг Миландаги бош консули Дмитрий Штодин маълум қилди.

“Россия фуқароси Артём Усс бугун уй қамоғига ўтказилди. Италиялик адвокатларнинг сўзларига кўра, уни Милан чеккасидаги квартирага олиб кетишган, унинг оиласи бунинг учун махсус ижарага олган ”, деди у.

АҚШ Адлия вазирлиги 19 октябрь куни Америка расмийларининг илтимосига биноан Усснинг Италияда ҳибсга олиниши ҳақида маълум қилди.