Бу ҳақда Туркия оммавий ахборот воситалари хабар бермоқда.
Маълумотларга кўра, мухолиф сиёсатчи Экрем Имамўғлу “мансабдор шахсни хизмат вазифасини бажараётганида омма олдида ҳақоратлаганлик ва таҳдид қилганлик” айби билан 1 йил 8 ойга озодликдан маҳрум этилган.
Мазкур жиноий ишга 2025 йилнинг январ ойида Имамўғлунинг Истанбул бош прокурори Акин Гюрлекга қарата айтган фикрлари асос бўлган. Сиёсатчининг қайси баёнотлари бунга жиноий иш қўзғаш учун асос бўлгани очиқланмаган.
Имамўғлу ушбу айбловни тан олмади ва ўзига нисбатан “жиддий суд таъқиблари” бўлаётганини билдирди.
Март ойида мухолифатдаги Жумҳурият халқ партияси вакили ва Истанбул мэри бўлган Экрем Имамўғлу коррупция ва террористик ташкилотлар билан алоқадорликда айбланиб, қўлга олинган эди. Кейинчалик у ҳибсга олинган бўлса-да, яқинлашиб келаётган президентлик сайловларида Жумҳурият халқ партияси томонидан номзод сифатида кўрсатилган эди.
Сиёсий таҳлилчилар Экрем Имамўғлуни амалдаги президент Ражаб Тоййиб Эрдўғаннинг асосий рақиби сифатида кўришади.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
“UzAuto Motors” янги тўлов шартларини эълон қилди
