Исроилнинг Ғазо секторига уюштирган ҳаво ҳужуми оқибатида камида уч фаластинлик ҳалок бўлди, яна 15 нафари яраланди.
Бу ҳақда Фаластин фуқаролик мудофааси институти баёнотида айтилади.
Хабарга кўра, Ғазо шаҳри шимолидаги Шайх Ризван ҳудудидаги фаластинлик Сеҳвиел оиласининг уйи ўққа тутилган.
Фаластиннинг Ғазо секторидаги Соғлиқни сақлаш вазирлигининг аввалроқ маълум қилишича, 2023 йил 7-октабрдан бери блокададаги Ғазо секторига Исроилнинг давом этаётган ҳужумлари натижасида ҳалок бўлган фаластинликлар сони 38 098 нафарга етди.
Босқин қурбонлари орасида 15 694 нафар вояга етмаганлар ва 10 279 нафари аёллардир.
Анклавнинг 87 705 нафар аҳолиси жароҳатланган.
Ҳалок бўлганларнинг жасадлари ҳамон вайрон бўлган бинолар вайроналари остида ва йўл четларида қолмоқда. Тез ёрдам ва фуқаролик мудофаа гуруҳлари Исроил кучлари келтириб чиқарган тўсиқлар туфайли уларга етиб бора олмаяпти, дея қўшимча қилди департамент.
Эрон зарбасидан кейин Исроил ҳаво кучлари базасининг сунъий йўлдош тасвирлари эълон қилинди
Мени Фаластин масаласи ташвишга солаётгани йўқ, лекин менинг халқим хавотирда
Нобель қўмитасининг қароридан Исроил шок ҳолатига тушиб қолди
