Исроиллик футболчининг «Интер»га трансфери барбод бўлди

Бельгиянинг «Юнион Сент-Жиллуаз» жамоасида тўп сураётган Анан Халаили Миланнинг «Интер» клубига ўтмайди. Таниқли инсайдер Фабрицио Романонинг ижтимоий тармоқларда хабар беришича, исроиллик ўнг қанот ҳимоячиси Италия жамоасидаги тиббий кўрикдан ўта олмаган.

Аввалроқ трансфер суммаси бонусларни ҳисобга олмаганда 25 миллион еврони ташкил этиши хабар қилинганди. «Интер»да Халаили яқиндагина Мадриднинг «Реал» клуби ўйинчисига айланган Дензел Дюмфриснинг ўрнини эгаллаши керак эди.

Ўтган мавсумда 21 ёшли қанот ярим ҳимоячиси барча турнирларда 52 та ўйинда майдонга тушиб, олтита гол ва олтита голли узатма муаллифига айланган.