Исроил бош вазири Бинямин Нетаняхунинг ўта ўнг коалициядаги радикал ҳамкорлари АҚШ ва Франциянинг Ливан билан чегарада 21 кунлик ўт очишни тўхтатиш ҳақидаги таклифларини рад этди.
Бу таклиф можарони дипломатик йўл билан ҳал қилиш учун вақт ажратиш мақсадида эди.
«Душманга оғир зарбалардан қутулиш ва 21 кундан кейин урушни давом эттириш учун қайта ташкил этиш учун вақт бериш мумкин эмас», деди Нетаняхунинг иттифоқчиси ва Исроил молия вазири Безалел Смотрич. Унинг таъкидлашича, фақат Ҳизбуллоҳнинг таслим бўлиши эвакуация қилинган исроилликларнинг ўз уйларига қайтишига имкон беради.
Исроил ташқи ишлар вазири Исроил Катс ҳам Ливанда ўт очишни тўхтатиш ғоясини рад этди. Унинг сўзларига кўра, Исроил «тўлиқ ғалаба ва шимолликлар ўз уйларига хавфсиз қайтгунича» Ҳизбуллоҳга қарши курашни давом эттиради.
Нетаняхунинг ўзи БМТда нутқ сўзлаш учун Нью-Йоркка йўл олар экан, ОАВда ўт очишни тўхтатиш таклифига рози бўлгани ҳақидаги хабарларни рад этди ва армияга жангни давом эттиришни буюрди.
Ўзбекистонга яна қорли совуқ ҳаво кириб келмоқда
Саудия Арабистони хазина топди, нефть конларида «оқ олтин» аниқланди
Исроил ғаразли мақсадини эълон қилди
